“Hər birimiz bilirik ki, “Bakı”nın problemləri var. Biz sərbəst şəkildə oyuna çıxmalı idik. Qarşılaşmanın əvvəlində qol vura bildik".

Newsport.az-ın məlumatına görə, bu sözləri "İnter"in baş məşqçisi Kaxaber Sxadadze Azərbaycan Premyer Liqasının 22-ci turunda "Bakı"ya qalib gəldikləri matçda (4:0) sonra deyib.

Gürcü mütəxəssis bildirib ki, futbolçularının dörd qol vurması onu sevindirir:

"Amma bir məsələ də var ki, iki qol vurduqdan sonra oyunçularım ötürmələrdə səhvlər edirdilər. Qarşıda bizim çox çətin  oyunlarımız var, qrafik sıxdır”.