Almaniyanın məşhur "Bild" nəşri Azərbaycan milli komandasını futbolçusu Rüfət Dadaşovla bağlı yazı dərc edib. Newsport.az xəbər verir ki, "Dadaşpb "Proyssen"i yüksəltmək istəyir" başlıqlı yazıda 27 yaşlı hücumçunun rəfiqəsi Laurayla Abu-Dabidəki 30 dərəcədən artıq istidə iki həftəlik istirahətini tamamlayaraq, komandasının təmsil etdiyi Münsterə qayıtdığı qeyd olunub. 

Millimizin üzvünün komanda ilə məşqlərə başlayacağl, ideal formada, ikinci dövrəyə daha hazır olduğu bildirilib. 7 qolla III Bundesliqa təmsilçisinin bombardiri olan Rüfət də ikinci dövrəyə hazır olduğunu təsdiqləyib: "Fasilə ikinci dövrə üçün gücümü bərpa etməyə çox kömək etdi. İkinci dövrəyə tam hazıram. Zədədən sonra bərpa dönəmi önəmli idi. İndi tanklar yenidən doludu".

"Proyssen"də son qolunu noyabrın 11-i vuran Dadaşov növbəti matçın keçiriləcəyi yanvarın 6-nı gözləyir.

Xatırladaq ki. millimizin hücumçusu zədə səbəbindən komandasının son 4 qarşılaşmasından 3-ü buraxıb.