“Səbail”in qış hazırlıq planı müəyyənləşib.

Newsport.az-ın məlumatına görə, paytaxt təmsilçisi təlim-məşq toplanışı üçün yanvarın 12-i Antalyaya gedəcək. Yanvarın 25-nə qədər olacaq hazırlıq prosesində komandanın 3 yoxlama görüşü oynaması planlaşdırılıb.

“Dəniçilər”in ilk rəqibi Macarıstan təmsilçisi “Aqvital Csakvar” olacaq. Bu görüş yanvarın 15-də keçiriləcək. Aftandil Hacıyevin kollektivi yanvarın 21-i "Desna” (Ukrayna), yanvarın 24-ü “Kaysar”la (Qazaxıstan) qarşılaşacaq.

Qeyd edək ki, “Səbail” Azərbaycan Premyer Liqasının ilk hissəsini 21 xalla 3-cü pillədə başa vurub. Bakılılar ölkə kubokunun 1/4 finalında "Zirə" səddinə ilişərək, turnirlə vidalaşıb.