"Prezidentdən soruşun, mükafat mənə də maraqlıdı" "Zirə"nin legioneri

Kateqoriya: Ölkə futbolu | Tarix: 19.12.2018 19:27

"Zirə"nin hücumçusu Aleksandr Dedov "Səbail"lə oyundan sonra jurnalistlərə müsahibə verib.

O, Newsport.az saytının da suallarını cavablandırıb:

- Oyunu özünüz üçün necə dəyərləndirəcəksən?

- Oyun bizim üçün çətin alındı. Çünki erkən qol buraxdıq. Amma düşünürəm ki, bu bizi daha da motivasiya etdi. Biz bu oyunu udmaq istəyirdik.

- Buraxılan qoldan sonra sanki daha yaxşı oynamağa başladınız..

- Çünki oyuna çıxıb qalib gəlmək istəyirdik. 0:0 və ya 1:1 haqda düşünmürdük. Məqsədimix qalib gəlmək idi. Hamı işinin öhdəsindən yaxşı gəldi. Komandanı təbrik edirəm.

- Mükafat olacaq?

- Hələ heç kim heç nə açıqlamayıb. Prezidentdən soruşun, mənim özümə də maraqlıdı.

- Hər oyun demək olar ki, Samit Abasov daha çox sənə qışqırır. Bu səni narahat edir, ya necə?

- O, öz göstərişlərini verir. Onun göstərişləri mənə köməl olur. Baş məşqçi nəyisə deyəndə, bu yaxşıdı. Bu məni daha motivasiya edir. O, düzgün edir, mən də dediklərini 100 faiz yerinə yetirməyə çalışıram.

- Yarımfinalda hansı rəqibi gözləyirsiz?

- Mənim üçün fərqi yoxdu. Həm Neftçi, həm də Sumqayıt yaxşı komandadı.

- Builki çıxışınızı necə dəyərləndirirsən?

- Yaxşı keçirmədik. Hazırda liqada son pillədəyik. Indi hamı istirahət edəcək. Hər şeyi daha düzgün etməyə hazırlaşacağıq. Məqsədimiz avrokuboklara yollanmaqdı.

- Komandadan ayrılacağınla bağlı söz-söhbət gedir. Bu doğrudu?

- Mənim təklifim yoxdu. Olsa, danışacağıq. Maya qədər müqaviləm var.

- Kuboku götürməyiniz realdı?

- Biz indi yarımfinaldayıq. Finala çıxmaq üçün yarımfinalı keçməliyik. Yarımfinalda hələ iki oyunumuz var. Ancaq istənilən halda kuboku götürməyimiz realdı.

Paylaş