"Deyiləsi bir şey yoxdur. Birqapıya oyun izlədik. Yaratdığımız imkanlardan istifadə edə bilmədik. Biz hücumlar etdik, rəqib fərqləndi. Əvvəldən də bilirdik ki, "Sabah” bu cür oynayacaq. Ağır dönəm yaşayırıq. Ardıcıl 3 oyundu qələbə üzünə həsrətik. Oyundan razı olsam da, nəticə pisdir. Vəziyyətdən çıxış yolu axtaracağıq".

Newsport.az-ın məlumatına görə, bu sözləri "Qəbələ"nin baş məşqçisi Sənan Qurbanov Azərbaycan Premyer Liqanın 4-cü turunda "Sabah"a uduzduqları oyundan (0:1) sonra keçirdiyi mətbuat konfransında deyib.

- Vəziyyətdən çıxış yolu üçün ilk atılacaq addım hansıdır?

- İlk növbədə, psixoloji təzyiq altına düşməməliyik. Əsas budur ki, uşaqlar qələbəsizlikdən sarsılmasınlar.

- Artıq 25-ci dəqiqədə hakimdən narazılıq etdiniz və şifahi xəbərdarlıq aldınız…

- Ciddi iradım yoxdur. Ola bilər hansısa xırda epizodlar olsun. Bunun da təkrarına baxmaq lazımdır.