“Neftçi” Azərbaycan Premyer Liqasının ilk turunda qarşılaşacağı "Sumqayıt”la oyuna hazırlığını davam etdirir. 

Newsport.az saytının məlumatına görə, əvəzedicilərlə sınaq matçından (4:1) sonra bir günlük fasiləyə buraxılan əsas komanda bu gün hazırlığı bərpa edib. Klubun bazasında baş tutan axşam məşqində zədəli Ruslan Abışovdan başqa bütün futbolçular iştirak ediblər. Namiq Ələsgərov isə fərdi məşğul olub.

Hazırlıq sabah bir məşqlə davam edəcək.

Xatırladaq ki, avqustun 11-də "Dalğa Arena”da keçirəcək "Sumqayıt” – "Neftçi” oyunu saat 20:00-da başlanacaq.