"Qəbələ”nin əvəzedici komandası Türkiyənin Antalya şəhərində keçirilən təlim-məşq toplanışında ilk oyununu keçirib. 

Newsport.az-ın məlumatına görə, Luis Araqonun baş məşqçisi olduğu komanda ilk sınağında Qazaxıstanın “Tobol” klubunun əvəzediciləri ilə üz-üzə gəlib. Hər hissədə bir qol buraxan “Qəbələ” qarşılaşmada 0:2 hesabı ilə məğlub olub.

“Qırmızı-qaralar” toplanış çərçivəsində daha iki yoxlama oyununda qüvvəsini sınayacaq.

Qeyd edək ki, Araqonun yetirmələri Antalya toplanışını yanvarın 29-da başa vuracaq.