Antalyada səfərdə olan Azərbaycan millisinin baş məşqçisi Robert Prosineçki Məşqçilər Komitəsinin sədri Vaqif Sadıqovla görüşüb.

Newsport.az-ın məlumatına görə, görüşdə ölkə klublarının məşq prosesləri, yoxlama oyunları, milli komandaya namizəd futbolçular barədə fikir mübadiləsi aparılıb.

Qeyd edək ki, hər iki mütəxəssis Premyer Liqa klublarının təlim-məşq prosesini və yoxlama oyunlarını izləmək məqsədilə Türkiyədə səfərdədi.