"Muarem əla futbolçudur. Onun oyununu izləyirdik və bizə lazımlı futbolçudur". 

Newsport.az-ın məlumatına görə, bu sözləri "Eskişehirspor" klubunun baş məşqçisi Mixael Skibbe deyib.

"Qarabağ"ın yarımmüdafiəçisi Muarem Muaremlə maraqlandıqlarını təsdiqləyən almaniyalı mütəxəssis makedoniyalı futbolçunun komandasına faydalı ola biləcəyini bildirib: "Muaremin komandaya faydalı olacağını düşünürəm. Lakin hələ ki, onun mümkün transferi barədə ətraflı danışa bilmərəm".