Bu gün Azərbaycan Premyer Liqasında XXIII tura start verilib.

Newsport.az-ın Gəncəyə ezam edilmiş əməkdaşı xəbər verir ki, turun ilk günündə yalnız bir qarşılaşma keçirilib.

Günün yeganə matçı Gəncədə baş tutub. Çempionatın lideri “Qarabağ” səfərdə “Kəpəz”lə görüşüb.

Son 14 matçda uduzmayan Qurban Qurbanovun yetirmələri bu dəfə də uğurlu seriyasını davam etdirib. “Qarabağ” rəqibini 1:0 hesabı ilə məğlub edib. Belə ki, matçın 23-cü dəqiqəsində Ramil Şeydayevin zərbəsi dəqiq alınıb. Bu, onun Topaz Premyer Liqasında ilk qolu olub.

Qeyd edək ki, sabah “Sumqayıt” “Keşlə”, “Zirə” “Neftçi”, “Qəbələ” “Səbail”lə qarşılaşacaq.