Azərbaycan kubokunun ½  final mərhələsinin ilk oyununda “Qəbələ” - “Neftçi” matçından sonra (1-2) qonaqlaın yarımmüdafiəçisi Soni Mustivar Newsport.az-ın Qəbələyə ezam olunmuş əməkdaşının sullarını cavablandırıb.

Legioner futbolçu ilk olaraq matç haqda danışıb: 

-Bu, çox ağır bir oyun oldu. Çünki, “Qəbələ” həqiqətən güclü komandadır. Lakin biz öhdəsindən gəldik. Ancaq bununla kifayətlənmək olmaz. Öz üzərimizdə daha çox işləməliyik ki, cavab görüşündə də qələbə qazana bilək”.

-Bura gəldiyiniz zaman məqsədiniz nə idi ?

-Əlbəttə, ilk növbədə qarşımıza hədəf  olaraq qələbə qazanmağı qoymuşduq. Düşünürəm ki, ilk işin öhdəsindən layiqincə gələ bildik. Bu qələbə münasibətiylə bütün komanda yoldaşlarmı təbrik edirəm.

- 2-0 və yaxud da 2-1 hansı daha əlverişli nəticə olardı komanda üçün?

-Təbii ki, 2-0 daha yaxşı nəticə olardı. Çünki səfərdə qol buraxmayaraq qalib gəlmək böyük üstünlükdür.  Ancaq yenə də qalib gəlmişik və 2-1 də pis nəticə deyil.

-“Neftçi”yə yeni qoşulmusan. Komanda haqda düşüncələrin necədir?

-“Neftçi” çox əzəmətli klubdur. Böyük bir tarixi var. Burada olmağıma çox şadam. Əlimizdən gələni edəcəyik ki, nailiyyətlər əldə edək.

-Vurulan qollardan birinin ötürməsini sən etdin. Bu haqda nə deyə bilərsən.

-İlk oyun oldu ki, 90 dəqiqə meydanda qaldım. Bunun üçün məşqçilərimə minnətdarlığımı bildirirəm. Lakin bununla kifayətlənməyəcəm və öz üzərimdə daim çalışacam.

-Azərbaycan çempionatı haqda nə fikirdəsən?

-Çempionat yüksək səviyyəlidir. Hər şeydən razıyam. Düşünürəm ki, bizi ağır oyunlar gözləyir. Lakin yaxşı nəticələr əldə edəcəyimizə inanıram.  

Mərdan Həsənov (Qəbələ)