Bu gün Azərbaycan Premyer Liqasının 15-ci turu çərçivəsində “Qarabağ” doğma meydanda “Qəbələ”ni qəbul edib.(0-0)

Newsport.az xəbər verir ki, “Qəbələ”nin yeni transferi Təmkin Xəlilzadə oyundan sonra əməkdaşımızın suallarını cavablandırıb.  Təmkin ilk olaraq oyun  haqda fikirlərini bölüşüb:

- Oyuna ehtiyyatdan başlamağı gözləyirdinizmi və komandaya necə, öyrəşməkdə çətinlik çəkmirsiniz?

- Deməzdim, çətinlik çəkmədim.  Uşaqlar da çox yaxşıdırlar. Hər şey qaydasındadır.

- Ayxan Abbasovla Roman Qriqorçukun arasında hansı fərqlər var?

- Düzdür, hər bir məşqçinin özünə görə tələbləri var.  İstər-istəməz eyni futbolu tələb edə bilməzlər. Keçmiş komandam haqda danışmaq istəməzdim. Qriqorçukun tələblərini isə maksimum dərəcədə yerinə yetirməyə çalışıram.

- Oyuna əvəzetmədən daxil oldun. Bu Antalyadakı penalti epizotundan asılı deyil ?

- Yox, həmin epizodla bağlı deyil. Bu sadəcə, oyun epizodu idi, oldu keçdi. Düşünürəm ki, zamanla əsas heyətdə yerimi tapacam.

- Adətən,  yeni transfer qış fasiləsində yoxlanılır. Sən isə çox vaxt ehtiyyatda meydana çıxırsan. Bu sənə qəribə gəlmir?

- Düzdür, “Zirə”də öyrəşmişdim əsas heyətdə oynamağa. Ancaq “Qəbələ” köklü klubdur.  Çempionluğa oynayan bir klubdur.  Burada gözləmirdim ki, gələn kimi əsas heyətdə oynayacam. Yenə deyirəm, zamanla əsas heyətdə görəcəksiz məni.