“Xəzər Lənkəran”da Oğuz Çətinin istefasından sonra məşqçilər heyətinə yeni təyinatlar açıqlanıb.

Newsport.az-ın klubun rəsmi saytına istinadən yaydığı xəbərə görə, artıq yeni baş məşqçi Elbrus Məmmədovun köməkçiləri bəllidir.
 
E.Məmmədova əsas komandada qapıçılar üzrə məşqçi Vidadi Hüseynov və fiziki-hazırlıq üzrə məşqçi Covanni Melkiorre kömək edəcəklər. Əvəzedici komanda isə Hafiz Əliyevə tapşırılıb.
 
Qeyd edək ki, Oğuz Çətinlə yanaşı, onun köməkçiləri Mustafa Eskisoy və Murat Göksu da “Xəzər Lənkəran”dan ayrılıb.