"Qəbələ" yeni baş məşqçisi Roman Qriqorçuku ictimaiyyətə təqdim edib.

Newsport.az-ın məlumatına görə, mətbuat konfransını giriş sözü ilə klubun vitse-prezidenti Fariz Nəcəfov açıb:

"Hamınızı salamlayıram. Təəssüf ki, jurnalistlərlə tez-tez məhz məşqçi dəyişdiyinə görə görüşürük. Roman Qriqorçukla biz yayda danışırdıq, amma alınmadı. İndi gələsi oldu. İnanıram ki, qazanacağımız uğurların fonunda onunla işimiz uzunmüddətli olacaq".