Antalyada təlim-məşq toplanışında olan “Zirə” çalışmalarını davam etdirir.

Newsport.az-ın məlumatına görə, sözügedən komanda bu gün biri səhər, digəri isə axşam olmaqla iki məşqə çıxıb.

Günün ilk məşqində qəsəbə təmsilçisinin üzvləri əsasən texniki-taktiki hazırlığa üstünlük verib. “Qartallar” günün ikinci məşqində isə fərdi hazırlıqla kifayələnib.

Qeyd edək ki, paytaxt klubu Antalyada ilk yoxlama oyununu yanvarın 27-də keçirəcək. Təmsilçimizin rəqibi Rumıniyanın "Voluntari" klubu olacaq.