“Oyuna görə öz komandama təşəkkür edirəm. Futbolçular bütün göstərişləri yerinə yetirdilər”.

Newsport.az-ın PFL-in saytına istinadən yaydığı xəbərə görə, bu sözləri “Sumqayıt”ın baş məşqçisi Aqil Məmmədov “Qəbələ” ilə oyundan (1:1) sonra keçirilən mətbuat konfransında deyib.

Futbolçularından razı qaldığını qeyd edən baş məşqçi qələbəyə layiq oyun nümayiş etdirdiklərini bildirib: “Bu heç-heçəni qələbəmiz kimi görürəm. Futbolçulara, azarkeşlərə təşəkkürümü bildirirəm. Mən düşünürəm ki, “Qəbələ” bir xal qazandı, biz isə qələbəni əldən verdik, itirdik”.