"Qarabağ" klubunun Avropa Liqasının qrup mərhələsində İtaliya "İnter"i ilə keçirilən oyunun son dəqiqələrində baş hakim Miroslav Zelinkanın qeydə almadığı qolla bağlı UEFA-nın Nizam-İntizam Komitəsinə müraciət etməsi ilə bağlı xəbər vermişdik.

Newsport.az-ın klubun rəsmi saytına istinadən verdiyi məlumata görə, məsələ ilə bağlı "Qarabağ"ın vitse-prezidenti Tahir Gözəl İsveçrəyə gedəcək.

Klub rəsmisi UEFA-dan gələcək cavab əsasında İsveçrəyə gedib lazımi şəxslərlə "Qarabağ"ın hüquqlarını qorumaq üçün görüşlər keçirəcək. Artıq UEFA Avropa Liqası yarışının direktoru Giorgi Marketti ilə görüş günü təyin edilib.