"Hamını salamlayıram. İcraiyyə Komitəsinin iclası başa çatdı. Yekdil qərarla baş məşqçi vəzifəsinə Qurban Qurbanov təyin edildi. Onu təbrik edirəm və uğurlar arzulayıram".

Newsport.az-ın məlumatına görə, bu sözləri AFFA-nın prezidenti Rövnəq Abdullayev AFFA İcraiyyə Komitəsinin bugünkü iclasından sonra keçirilən brifinqdə deyib. Daha sonra R.Abdullayev jurnalistlərin suallarını cavablandırıb.

- Qurban Qurbanovun İcraiyyə  Komitəsinə üzvlüyü  qalacaq?

-Bəli, qalacaq.

- Tahir Gözəl demişdi ki, Qurban Qurbanovu miliyə bir şərtlə buraxarıq. "Qarabağ"da da işləyəcək.

- Qurban Qurbanov "Qarabağ"da qalacaq. Baza "Qarabağ" olacaq. Premyer Liqanın bütün klubları ilə işləyəcək. Bu, onun xeyirinə olacaq.

- Müqavilənin müddəti nə vaxta qədərdi?

- Qurban Qurbanov ən azı 6 il millidə qalacaq. Sistem qurulmalıdır. Bütün oyunçuların hazırlıq sistemi mərkəzdən idarə olunmalıdır.