"Keşlə" baş məşqçisi Zaur Svanadze və onun köməkçisi Ramaz Svanadze ilə  yolları ayırıb.

Newsport.az xəbər verir ki, bu barədə klubun saytı məlumat yayıb. Z.Svanadze və R.Svanadze ilə görüş keçirilib və komandanın fəaliyyəti müzakirə olunub. Görüşdə onlarla imzalanmış müqaviləyə qarşılıqlı razılığa əsasən xitam verilməsi qərara alınıb.

"Keşlə" FK-nın rəhbərliyi hər iki məşqçiyə komandada fəaliyyətlərinə görə təşəkkürünü bildirib və onlara sonrakı fəaliyyətlərində uğurlar arzulayıb.

Qeyd edək ki, "Keşlə" Azərbaycan Premyer Liqasında 10 turdan sonra 8 xalla turnir cədvəlinin 7-ci piləsində qərarlaşıb.