Mövsümə uğursuz başlayan "Kəpəz" klubu heyətini gücləndirmək niyyətindədi. Bir müddət öncə millimizin sabiq futbolçusu Məhəmməd Qurbanovu rənglərinə bağlayan Gəncə təmsilçisi yaxın günlərdə daha bir futbolçu ilə güclənəcək. 

Newsport.az-ın məlumatına görə, söhbət seneqallı mərkəz yarımmüdafiəçisi Ba Aladji Mansurdan gedir. Son olaraq Mərakeşin "Kenitra" klubunda çıxış edən 27 yaşlı futbolçu "sarı-göylər"lə mövsümün sonuna qədər sözləşmə imzalayacaq. 

Bununla da, komandanın baş məşqçisi Şahin Diniyevin ixtiyarındakı legionerlərin sayı 4-də çatacaq. Gəncə klubunda Dedimar Fereyra, Dialo Samba, Viktor Oseqeyl kimi əcnəbi futbolçular çıxış edir.

Qeyd edək ki, 1.90 sm boya malik olan Mansur Mərakeş klubundan öncə 8 il ölkəsinin "Linquere" klubunda forma geyinib. 

Futbol11.az