“Oyuna yaxşı hazırlaşmışdıq. Plan ondan ibarət idi ki, əks-hücumlarda oynayaq. “Qarabağ”a qarşı oynamaq çox çətindir. Buna görə də görüşün böyük hissəsini topsuz, ancaq qaçmaqla keçirdik”.

Newsport.az-ın PFL-in saytına istinadən yaydığı xəbərə görə, bu sözləri MOİK klubunun baş məşqçisi  Namiq Adilov “Qarabağ”la oyundan (2:4) sonra keçirdiyi mətbuat konfransında deyib.

O, rəqibin MOİK-dən hərtərəfli üstün olmasını etiraf etməklə yanaşı yaxşı nəticə qazanacaqlarına ümid etdiyini bildirib: “Futbolçulara demişdim ki, bizim üçün oyun ərzində 1-2 qol epizodu yarana bilər və bundan istifadə etmək lazımdır. Oyunçular bunu bacardılar. Biz möcüzəyə ümid edirdik. Lakin mərhələni adlaya bilmədik. Mən “Qarabağ”a qarşıdakı oyunlarda uğurlar arzu edirəm”