UEFA Avropa Liqasının qrup mərhələsi çərçivəsində Bakıda keçiriləcək "Qarabağ" - "İnter" matçı üçün məşhur bukmeker kontorları əmsalları açıqlayıb.

Newsport.az idmanxeber.com-a istinadən xəbər verir ki, Bakıda baş tutacaq və Ağdam klubunun qrupdan çıxması üçün həlledici sayılan bu matçda favorit elə bizimkilərdi. Belə ki, açıqlanan əmsallarda "Qarabağ"ın qələbəsi 2.54 kimi dəyərləndirilib. İtaliya nəhənginin Bakıda qazana biləcəyi qələbəsinə 3.00 əmsalı verilib. Matçın heç-heçəsi isə 3.40 kimi dəyərləndirilir.

Sonda onu da qeyd edək ki, "Qarabağ" qrup mərhələsində keçirdiyi 5 qarşılaşmanın heç birində favorit hesab olunmamışdı. Ağdam klubunun "Sent Etyen" səfərində məğlub olmaması və qrupdan çıxma şansı artırması bukmeker kontorlarını da qorxudub.