Azərbaycan kubokunun final görüşünün püşkatma mərasimi keçirilib.

Newsport.az-ın məlumatına görə, mərasimdə Peşəkar Futbol Liqasının, eləcə də “Qarabağ” və “Qəbələ” klublarının nümayəndəsi iştirak ediblər. “Qarabağ” Şahid Həsənov, “Qəbələ” isə Səbuhi Səfiyarlı ilə təmsil olunub. Püşkatmaya əsasən “Qarabağ” nominal meydan sahibi olub.

Qeyd edək ki, Azərbaycan Kubokunun final oyunu 5 may tarixində Naxçıvan şəhər stadionunda keçiriləcək.