"Hər birnizə təşəkkür edirəm. Yeni müqaviləmizin uğurlu olacağına ümid edirəm. Ötən ilin ortalarında “Qəbələ” klubu ilə danışıqlar apardıq. Müəyyən müzakirələrdən sonra razılığa gəldik".

Newsport.az-ın məlumatına görə, bu fikirləri "Qəbələ" ilə rəsmi müqavilə imzalayan Ronaldinyo səsləndirib. Braziliyalı futbol əfsanəsi imza mərasimində açıqlamalar verib. O, "qırmızı-qaralar"la iş birliyinin yaxşı olacağına inandığını bildirib:

"Ümid edirəm ki, yaxşı işbirliyi alınacaq. İstəyirəm ki, uşaqlarda futbola sevgi yaransın. Çünki çox yerlərdə futbolu sevənlər olsa da, məşğul ola bilməyiblər. Bu akademiyanı yaratmaq çoxlarının arzusunu reallaşdıra bilərik. Akademiyaya gələn uşaqlar da mənim adımı eşidib daha həvəslə bu idman növünə maraq göstərsinlər. Belədə mən də fəxr edirəm".

Qeyd edək ki, "Qəbələ" ilə  Ronaldinyo arasında imzalanan sözləşmə 2 il müddətinə nəzərdə tutulub.