AFFA prezidenti Rövnəq Abdullayevin I Divizionda baş tutmuş "Göyəzən" - "Şərurspor" (3:3) oyununa Çindən pul qoyuluşu edilməsi barədə açıqlamasını diqqətinizə çatdırmışdıq.

Newsport.az-ın məlumatına görə, məsələ ilə bağlı Qazax klubunun prezidenti Mehdi Salmanov klub rəhbəri belə bir məsələdən xəbərsiz olduqlarını bildirib:

"Bizim bu haqda məlumatımız yoxdu. Mən özüm də bu gün AFFA-nın Hesabat Konfransında olmuşam. Rövnəq Abdullayev o barədə bizim yanımızda heç nə deməyib. Mətbut konfransında deyib. Bizim pul qoyuluşundan xəbərimiz yoxdu. Meydana çıxıb oyunumuzu oynamışıq".

Salmanov əgər oyunlarına pul qoyuluşu edildiyi təsdiqlənərsə, klubdan gedəcəyini deyib:

"Bu məsələni mütləq araşdıracağıq. Mən həmişə komandanın içində olmuşam. Belə bir şeyin olduğuna inanmıram. Əgər oyuna pul qoyuluşu təsdiqlənərsə, mən özü komandadan çıxıb gedəcəm".

Sportal.az