Premyer Liqanın X turunda  “Araz Naxçıvan” öz meydançasında “Qəbələ”yə 0-1 hesabı ilə uduzdu.

Newsport.az-ın məlumatına görə, oyundan sonra meydan sahiblərinin baş məşqçisi Əsgər Abdullayev fikirlərini açıqlayıb: "Oyun barədə hər hansı bir sözüm yoxdur. Gücümüz budur. Premyer Liqaya vəsiqə qazandıqdan sonra  biz heyəti yenə yerli futbolçulardan qurmağa çalışdıq. Premyer Liqanın hansı səviyyədə olduğunu bilirəm. Çempionatda bizim üçün oyunların çox çətin keçəcəyini dərk edirdim. Bizə elə futbolçular lazımdır ki, onlar komandanı irəli apara bilsinlər. Mənim istəyim budur ki, Naxçıvan futbolu inkişaf etsin".