Azərbaycan Premyer Liqasının autsayderi növbəti transferi rəsmiləşdirib.

Newsport.az-ın məlumatına görə, bakılılar U-21 millimizin sabiq üzvü Samir Məsimovla anlaşıb. Məlumatı açıqlamasında "təyyarəçilər"in mətbuat xidmətinin rəhbəri Eldəniz Yusifov da təsdiqləyib. Klub rəsmisinin sözlərinə görə, Məsimov mövsümün sonuna qədər AZAL-ın uğurları üçün çalışacaq.

Qeyd edək ki, Məsimov ötən mövsüm "Neftçi"dən Sloveniyanın "Domjale" klubuna transfer olunmuşdu. Sloveniya təmsilçisində işləri yolunda getməyən yarımmüdafiəçi, "Domjale"dən ayrıldıqdan sonra bir müddət Qazaxıstanın "Okjetpes" klubunda baxışda da olmuşdu.