AZAL-ın hücumçusu Sadio Tounkara Premyer Liqanın 16-cı turunda “Qarabağ”la oyundan sonra jurnalistlərin suallarını cavablandırıb. Malili futbolçu oyunda qırmızı vərəqə alaraq meydandan qovulmasından danışıb.

- Epizodun təkrarına baxanda görünürdü ki, qayda pozuntusu yoxdur. Fikrin nədir?

- Başa düşmədim ki, hakim bunu “Qarabağ”a görəmi etdi? Heç nə anlaya bilmədim. 

- Sən İbrahim Şehiçə toxunmuşdun?

- Orda heç nə yox idi. Mən heç kimə toxunmamışam. 

- Bəlkə, hakimə etiraz etdiyin üçün qırmızı vərəqə ilə cəzalandın?

- Mən hakimə heç bir etiraz etməmişəm.

- Bu qərarın “Qarabağ”a nə dərəcədə köməyi oldu? Düşünmürsən ki, tam heyətlə oynasaydınız, uduzmazdınız?

- Tam heyətlə oynasaydıq, məncə, məğlub olmazdıq, ən azından heç-heçə edə bilərdik.