UEFA Avropa çempionatında iştirak edən futbolçuların klublarına mükafat ayırıb.

Newsport.az xəbər verir ki, qitə futbol qurumu 641 kluba ödəniş edildiyini açıqlayıb. UEFA-nın ayırdığı puldan “Qarabağ”a da pay düşüb. Çünki Ağdam təmsilçisinin müdafiəçisi Ansi Aqolli Avropa çempionatında Albaniya yığmasının formasını geyinib.

UEFA 641 klub üçün 150 milyon avro ayırıb. Seçmə mərhələdə çıxış edən futbolçuların klublarına 50, final mərhələsində oynayan oyunçuların komandaları üçün 100 milyon avro bölüşdürülüb.

UEFA bu gün məbləğin klublar arasında bölündüyünü açıqlayıb. Məsələ ilə bağlı danışan qurumun prezidenti Aleksandr Ceferin bunları deyib: "Mən çox şadam ki, klubların hesabına maliyyə yardımı göstərməyə qadirik. Ümid edirik ki, növbəti Avropa çempionatında da bunu edə biləcəyik".

2020-ci Avropa çempionatı üçün mükafat fondu 200 milyon avroya yüksələck.

UEFA-dan ən çox vəsait alan klublar aşağıdakılardır:

Yuventus - 3,5 milyon avro

Liverpul - 3,3 milyon avro

Tottenhem - 3,1 milyon avro

Mançester Yunayted - 2,9 milyon avro

Bavariya - 2,8 milyon avro

Real - 2,5 milyon avro

Arsenal - 2,4 milyon avro

Barselona - 2,3 milyon avro