“Qəbələ” növbəti transferini gerçəkləşdirib. “Qırmızı-qaralar” Rasim Ramaldanovu heyətinə qatıb.

Newsport.az klubun saytına istinadən xəbər verir ki, 31 yaşlı müdafiəçi ilə mövsümün sonunadək müqavilə imzalanıb.

Ramaldanov Azərbaycanda “Simurq” (2008-2013), “Xəzər Lənkəran” (2013-2015) və “Sumqayıt”da (2016) çıxış edib. Gürcüstanda legioner həyatı yaşayan Ramaldanovun son klubu ötən il formasını geyindiyi “Kolxeti” olub. 2012-ci ildə Azərbaycan milli komandasında debüt edən futbolçu ölkəmizin əsas yığmasında 17 oyun keçirib.