Azərbaycan kubokunun 1/4 final mərhələsində AZAL-ı 1:0 hesabı ilə məğlub edən "Qəbələ" adını yarımfinala yazdırıb.

Newsport.az-ın məlumatına görə, qarşılaşmadan sonra Cavid Güseynov qələbəni şərh edib.

Təcrübəli futbolçu saytımıza açıqlamasında əvvəlki formasını tam bərpa etmək üçün təlim-məşq toplanışına ehtiyacı olduğunu bildirib:

"100 faizlik formamı yığmamışam. Təlim-məşq toplanışından qayıdandan sonra özümə gələcəm. İndidən millidən dəvət gözləyirəm (gülür). Tam şəkildə uyğunlaşmışam. Ən yaxşısını baş məşqçimiz bilər. Mənə bir təlim-məşq toplanışı lazımdı. İndi demək olar ki, 90 dəqiqə oynamağa hazıram. Yarımfinaldakı rəqibimizə gəlincə, bu gün ən formada olan komanda "İnter"di. Hər mövqeyə güclüdürlər". 

Futbol11.az