Bu gün ölkə kubokunda 1/4 final mərhələsinə yekun vurulacaq.
Newsport.az-ın məlumatına görə, keçiriləcək 4 qarşılaşmadan sonra yarımfinalçılar müəyyənləşəcək.
Günün ilk oyunu Gəncədə keçiriləcək. “Kəpəz” ilk oyunda 2 cavabsız qolla uduzduğu “İnter”i sınağa çəkəcək. Bakıdakı yenilgiyə baxmayaraq, Şahin Diniyevin komandası hələ hələ də yarımfinal ümidini itirməyib.
Sumqayıtda eyniadlı komanda “Qarabağ”la üz-üzə gələcək. İlk oyunda 6 cavabsız qolla qalib gələn Ağdam klubu cavab matçını formallığa çevirib.
Elə “Neftçi” - “Zirə” qarşıdurmasında da cütün taleyi böyük ölçüdə həll olunub. “Ağ-qaralar” hər nə qədər qeyri-stabil çıxış etsələr də, Adil Şükürovun komandasının bu gün 4 cavabsız qolla qalib gələcəyi inandırıcı deyil.
AZAL - “Qəbələ” görüşü maraqla gözlənilir. İlk matçda səfərdə əzmkar qələbə qazanan Roman Qriqorçukun komandası favoritdir. Lakin “təyyarəçilər”in vuracağı 1 qol intiriqanı bərpa edə bilər.
Azərbaycan kuboku
1/4 final mərhələsinin cavab oyunları
21 dekabr
17:00. “Neftçi” - “Zirə” - 1:2 (İkinci hissə)
Qol: Milan Duriç, 32 (0:1), Rahil Məmmədov, 40 (1:1)
İlk oyun - 3:0
Hakimlər: Ramil Diniyev, Azər Əsgərov, İsgəndər Əliyev, Ziya Nəsirov
8-ci kilometr qəsəbə stadionu
“Kəpəz” - “İnter” - 0:0
İlk oyun - 0:2
Hakimlər: Rəhim Həsənov, Vaqif Musayev, Akif Əmirəli, Vüsal Qənbərov
Əlavə köməkçi hakimlər: Əliyar Ağayev, Elvin Əsgərov
Gəncə şəhər stadionu
“Sumqayıt” - “Qarabağ” - 2:5
Qollar: Namiq Ələsgərov, 8 (0:1),Amil Yunanov, 14 (1:1), Namiq Ələsgərov, 16 (1:2), Vüqar Nadirov, 70 (1:3), Amil Yunanov, 80 (2:3), Namiq Ələsgərov, 82 (2:4), Rahid Əmirquliyev, 89 (2:5)
İlk oyun - 0:6
Hakimlər: Rauf Cabbarov, Coşqun Həsənov, Cavanşir Yusifov, Rövşən Rəcəbov
“Kapital Bank Arena”
AZAL - “Qəbələ” - 0:1
Qol: Asif Məmmədov, 53
İlk oyun - 1:2
Hakimlər: Fariz Yusifov, Yaşar Abbasov, Elman Musayev, Mehman Mahmudov
Əlavə köməkçi hakimlər: Rəvan Həmzəzadə, İnqilab Məmmədov
“AZAL Arena”
