Tbilisi şəhərində təlim-məşq toplanışında olan 17 yaşadək futbolçulardan ibarət Azərbaycan yığması yoxlama oyunu keçirib.

Newsport.az-ın AFFA-nın saytına istinadən yaydığı xəbərə görə, millimiz Gürcüstanın müvafiq yaş qrupuna aid komandası ilə görüşüb.

Qarşılaşma meydan sahiblərinin 3:2 hesablı qələbəsi ilə başa çatıb. Yığmamızın qollarını Samir Oruclu və Hikmət Verdiyev vurub.