“Qarabağ” və millinin kapitanı Rəşad Sadıqov bu gün UEFA-nın Bakıda keçirdiyi A dərəcəsi üzrə məşqçi kurslarına qatılaraq imtahan verib.

Newsport.az xəbər verir ki, imtahanın nəticələri yaxın 2-3 həftə ərzində açıqlanacaq. A dərəcəsi alan məşqçiyə öz ölkələrinin yüksək liqa klublarında baş məşqçi işləmək səlahiyyəti verilir.

Xatırladaq ki, hazırda Rəşad Sadıqov futbolçu karyerasını davam etdirməklə yanaşı həm də “Qarabağ” U-19 komandasının baş məşqçisi vəzifəsində çalışır.