"Xəzər Lənkəran" Premyer Liqanın 8-ci turunda evdə "Bakı"ya qalib gəldi - 4:0.

Newsport.az-ın məlumatına görə,  matçdan sonra Cənub klubunun baş məşqçisi Oğuz Çetin görüşlə bağlı fikirlərini bölüşüb: 

"Son iki həftədə xallar qazanmışdıq. Bunu davam etdirmək lazım idi. Çünki ilk həftələrdə xallar itirmişdik. “Bakı” ilə oyunda yaxşı oyun sərgiləyib, üç xal qazandıq. Bizim hədəflərimiz böyükdür. 

Qarşıda bizi “Qarabağ”la çətin oyun gözləyir. Bu oyunu unutmalıyıq və qarşıdakı oyuna hazırlaşmalıyıq. “Bakı”nın hədəfləri böyük olmasa da, arzusu böyükdür. Sevindirici haldır ki, qələbə qazandıq".