Bu gün AFFA İntizam Komitəsinin növbəti iclası keçirilib.

Newsport.az xəbər verir ki, iclasda Topaz Premyer Liqasının XII turunda qeydə alınmış qayda pozuntularına hüquqi qiymət verilib: 
 
Azərbaycan Premyer Liqasının XII turunun "Qarabağ” – "Kəpəz” matçında "Qarabağ” klubunun 4 futbolçusu sarı vərəqə ilə cəzalandığı üçün klub 800 manat cərimə olunur  (maddə 40).

Azərbaycan Premyer Liqasının XII turunun "İnter” – AZAL matçının 68-ci dəqiqəsində AZAL klubunun 15 №-li futbolçusu Brayn Fok ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 200 manat cərimə olunur (maddə 48).