Azərbaycan Premyer Liqasının XI turu çərçivəsində "Neftçi" doğma meydanda "İnter"i 2 - 1 hesabı ilə məğlub edib.
 
Newsport.az-ın məlumatına görə, qarşılaşmadan sonra "ağ-qaralar"ın müdafiəçisi Mahir Şükürov  jurnalistlərin suallarını cavablanıdırıb.

- Bilirdik ki, ağır oyun olacaq. Rəqibimiz çempionluğa oynayır. “İnter” Premyer Liqada bu mövsüm məğlubiyyət acısı yaşamamışdı. Məşqçilər heyəti rəqibi yaxşı analiz etdilər.

- Penalti epizodu haqda nə söyləyə bilərsən?

- Mən epizoddan uzaq idim. Elə bildim ki, ayağına dəyib. Referi epizoda yaxın idi. Bu qərar müzakirə ediləcək. Hakimlər həmişə düzgün olduqlarını deyiblər. Yəqin ki, yenə yanılmayıblar.

- Kapitanlıq bazubəndini niyə qəbul etmədiz?

- İstəyirəm ki, gənc futbolçular olsun. Meydanda olmağım kapitanlıq kimi bir şeydir. 

- Oyun ərzində futbolçulara göstərişləri siz verirdiz...

- Komandanın ağsaqqalıyam. Futbolda 1-2 il “ömrüm” qalıb. Gənc futbolçular baxıb nə götürdü-götürdü. Çünki bundan sonra onlar oynayacaq.

- 5 legioner əvəzedici heyətə yollandı. Bunun oyunuza nə dərəcədə təsiri oldu?

- Heç bir təsiri olmadı. Baş məşqçimiz doğru qərar verib. Həmin oyunçulardansa, yerli uşaqlar oynasalar, daha yaxşı olar. Bilirik ki, yerli futbolçular gələcəkdə bizə kömək edəcəklər.

- Özünüzü necə hiss edirəm?

- Yaxşı hiss edirəm. 3-4 gün idi ki, bir az xəstələnmişdim. Keçib, gedəcək.

- Artıq çəkiniz var?

- 2 kq var idi. Onu da bu oyunda atmışam.

- Qələbələrini sıralaya biləcəksiz?

- Hər oyuna qələbə əzmi ilə çıxırdıq. Özümü tərifləmək kimi çıxmasın, amma mən meydanda 2-3 tur idi ki, yox idim. Meydanda olmağım futbolçular üçün stimuldur. Futbolçular arasında danışan, göstəriş verən yox idi. “İnter”lə oyunda mən bu funksiyanı yerinə yetirdim.