Bu gün AFFA Klublar Komitəsinin iclasının keçirildiyini xəbər vermişdik.

Newsport.az-ın məlumatına görə, iclasdan sonra "Qarabağ"ın icraçı direktoru Əmrah Çəlikəl jurnalistlərin suallarını cavablandırıb. Klub rəsmisi "köhlən atlar"ın son vaxtlar uğursuz çıxış etməsinə də toxunub:

- "Qarabağ"ın hazırki durumu barədə nə deyə bilərsiz?

- Bu, hər bir klubun başına gələ bilər. Bunu "qara zolaq" kimi qəbul etmək olmaz. Çətin səfər oyunlarımız oldu. "Qarabağ"a dəstək olmaq lazımdı. Bu oyunlarda yaxşı təsir bağışlasaq da, xal qazana bilmədik.

- Düşünmürsüz ki, Rəşad Sadıqovun klubun U-19 komandasına məşqçi təyin olunması erkən verilmiş qərar idi?

- Xeyr. Bunun onun gələcəkdə yaxşı məşqçi olmasına xeyir verəcəyini düşünürəm. Bunun onun oyununa təsir edəcəyini düşünmürəm.

- Komandada müdafiə xəttində problemlər olsa da, qapıçı Emil Balayevi transfer etdiz...

- Emili yeni transfer saymaq olmaz. O, uzun müddətdi komandamızla məşq edir. O ki qaldı mərkəz xətdəki problemlərə, bu, baş məşqçinin qərarıdı.

- Bəs onun transferi niyə belə gecikdi?

- Çünki o, Almaniyada bir komandayla danışıqlar aparırdı. O klubla danışıqlar alınmayandan sonra bizimlə anlaşdı. Yəqin ki, ilk olaraq əvəzedici komandada oyuna çıxacaq.

- "Qarabağ"dan PAOK-la oyunda hansı nəticə gözləyək?

- Həmin oyunda çalışacağıq ki, yaxşı nəticə əldə edək.

- Respublika stadionunun vəziyyəti necədi?

- Hazırda vəziyyət yaxşıdı. Artıq problem qalmayıb.

- "Sumqayıt"la oyunun bu stadionda olacağı deyilir...

- Ola bilər. Ot örtüyünün vəziyyətinə baxacağıq.

komanda.az