“Kəpəz” “Neftçi” önünə ciddi itki ilə çıxacaq

Kateqoriya: Ölkə futbolu | Tarix: 30.09.2016 15:40

Premyer Liqasının 7-ci turunda "Neftçi” ilə keçiriləcək oyun öncəsi "Kəpəz” ciddi itki ilə üzləşib.

Newsport.az-ın məlumatına görə, komandanın əsas oyunçularından olan Serjio Kosta sarı vərəqə limitini doldurub.

Bu üzdən braziliyalı tarixi derbi çərçivəsində Bakıdakı səfər matçını buraxmaq məcburiyyətindədir.

Qeyd edək ki, cari mövsümün bütün qarşılaşmalarında start heyətində oyuna başlayan yarımmüdafiəçi ardıcıl dörd görüşdə cəzalanıb. O, 3-cü turda "İnter”lə səfər, 4-cü turda "Zirə” ilə ev, 5-ci turda "Sumqayıt”la səfər və 6-cı turda "Qarabağ”la ev oyununda sarı vərəqə alıb.

Xatırladaq ki, baş məşqçi Şahin Diniyev sabahkı oyunda Şəhriyar Əliyevin də xidmətindən istifadə edə bilməyəcək. Müdafiəçi zədə səbəbindən "Neftçi"yə qarşı oynamayacaq.

Paylaş