"Komandamız mübarizə apardı. Çalışdıq ki, 3 xal qazanaq. Amma bəzi futbolçularımız diqqətsizlik etdilər".

Newsport.az-ın məlumatına görə, bu sözləri "Zirə"nin baş məşqçisi Adil Şükürov deyib. 

Azərbaycan Premyer Liqasının 5-ci turu çərçivəsində bu gün "Qarabağ"la keçirilən matçdan "Zirə" 0:2 hesablı məğlubiyyətlə ayrılıb.

Matçdan sonra keçirilən mətbuat konfransında qonaqların çalışdırıcısı nəticəni belə şərh edib: "Komandamız pis oynamadı. Bu görüşü unudub, gələn matça hazırlaşmalıyıq".

"Zirə"nin baş məşqçisi reqlamenti pozaraq, mətbuat konfransına gec gəldi. Jurnalistlərə hörmətsizlik edən çalışdırıcıya media mənsubları heç bir sual ünvanlamadı.