“Bugünkü uğurumuzun əsas səbəbi yüksək keyfiyyətli kollektiv iş görməyimizdir. Həm məşqçi heyəti, həm də oyunçular birlikdə xeyli iş görmüşük və bunun nəticəsində belə qələbə qazana bildik".

Newsport.az-ın məlumatına görə, bu sözləri futzal millimizin baş məşqçisi Milton Luis Ziller Junior dünya çempionatının final mərhələsində Mərakeşə 5:0 hesabı ilə qalib gəldikləri oyundan sonra deyib.

O, indiki məqamda qalibiyyətdən zövq almağı bacarmalı olduqlarını bildirib:

"Amma unutmaq olmaz ki, dünya çempionatı yenicə başlayıb və biz cəmi 1 oyun keçirmişik. Artıq sabahdan başlayaraq yeni oyuna, yeni rəqibə qarşı mübarizəyə hazırlaşmağa başlayacağıq”.