"Neftçi"nin baş məşqçisi Vəli Qasımov arterial təzyiqi yüksəldiyi üçün xəstəxanaya yerləşdirilib.
Newsport.az-ın məlumatına görə, bunu saytımıza açıqlamasında klubun mətbuat xidmətinin rəhbəri Mehman Rəsulov deyib. Onun sözlərinə görə, Vəli bəy gecə saatlarında ürək ağrısından şikayətləndiyi üçün xəstəxanaya üz tutub və orada qalmalı olub.
"Neftçi" bu gün Premyer Liqanın IV turunda "Qəbələ" ilə qarşılaşacaq. Həmin oyuna komandanı köməkçi məşqçi Tofiq Mustafayev çıxaracaq.