Milli komandaların toplanışı ilə əlaqədar olaraq çempionatımızda yaranan fasilədən istifadə etməyə çalışan "Neftçi” birinci divizionda mübarizə aparan "Rəvan” klubu ilə yoxlama oyunu keçirəcək.

Newsport.az saytının məlumatına görə, "ağ-qaralar” bu oyunla kifayətlənmək istəmir.
 
Əldə etdiyimiz məlumata görə, Vəli Qasımovun yetirmələri daha bir yoxlama oyunu keçirəcək. Rəqib isə "Neftçi”nin əvəzedici komandasıdı. Samir Əliyevin rəhbərlik etdiyi kollektiv ilə planlaşdırılmış görüşün sentyabrın 3-də baş tutacağı gözlənilir. Oyun İsmət Qayıbov adına stadionda keçiriləcək. 
 
Qeyd edək ki, "Rəvan”la oyunu avqustun 31-nə təyin olunub. Bakılılar hər iki oyuna əsas heyətlə çıxa bilməyəcək. Buna səbəb komandanın bir neçə futbolçusunun milli komandalara dəvət almasıdı.