“Höteborq”un baş məşqçisi: "Mançester Yunayted"lə düşsəz..."

Kateqoriya: Ölkə futbolu | Tarix: 25.08.2016 22:45

Avropa Liqasının pley-off mərhələsinin cavab oyunları çərçivəsində "Qarabağ” doğma azarkeşləri önündə İsveçin "Höteborq” klubunu qəbul edib.

Newsport.az-ın məlumatına görə, qarşılaşma Ağdam klubunun 3-0 hesablı qələbəsi ilə başa çatıb. Bu nəticədən sonra "Qarabağ” qrup mərhələsinə vəsiqə qazanan tərəf olub.

Oyundan sonra keçirilən mətbuat konfransında "Höteborq”un baş məşqçisi Yörgen Lennartsson fikirlərini bildirib: "Qarabağ”ı qələbə münasibəti ilə təbrik edirəm. "Qarabağ” qələbəyə layiq oyun sərgilədi. Rəqibin heyətində yaxşı futbolçular var. Oyuna yaxşı başlamışdıq. Qol buraxdıqdan sonra rəqibhücumların sayını artırdı və biz hücumların qarşısını ala bilmədik”.

- Meydançanın ot örtüyün pis vəziyyətdə olması oyununuza təsir etmədi?
- Hər iki komanda eyni vəziyyətdə oynadı. Meydança ilə bağlı heç nə demək istəmirəm.

- Dünən əhvalınız yaxşı idi. İndi necəsiniz?
- Təbii ki, üzgünəm. Bu gün yaxşı komandaya uduzduğumuzdan sevincliyəm.

- Dünən oyunun belə nəticələnəcəyi gözləyirdiniz?
- İki qol buraxdıq. Erkən qollar oyunumuza təsir elədi. "Qarabağ”ı təbrik edirəm. Ümid edirəm ki, komandanız qrup mərhələsində "Mançester Yunayted”ə rəqib olacaq və onları parçalayacaq (gülür).

Paylaş