Sadıqov 6 qol vurdu, millimiz Rusiyanı biabır etdi

Kateqoriya: Ölkə futbolu | Tarix: 11.08.2016 12:02

17 yaşadək futbolçulardan ibarət Azərbaycan yığması Qazaxıstanın Şımkent şəhərində təşkil olunan "Prezident kuboku” turnirinin qrup mərhələsində son oyununu keçirib.

Newsport.az-ın məlumatına görə, Rusiya-2 yığması ilə qarşılaşan komandamız böyükhesablı qələbə qazanıb – 12:1. Millimizin heyətində Xaqani Sadıqov 6, Kamran Quliyev isə 4 qol vurub. Hərəyə 1 dəfə İzzət Muştaqov və Məhəmməd Məhərrəmov fərqlənib.

İlk oyunda İran yığmasına 0:3 hesabı ilə məğlub olan, ikinci qarşılaşmada isə Tacikistan komandası ilə 2:2 hesablı heç-heçə edən yığmamız qrupda üçüncü yeri tutub.

Paylaş