Quliyevin ikiqat sevinci

Kateqoriya: Ölkə futbolu | Tarix: 08.08.2016 13:15

Azərbaycan Premyer Liqasının ilk turu "İnter”in yeni futbolçusu Tərlan Quliyev üçün ikiqat əlamətdar olub.

Newsport.az-ın məlumatına görə, müdafiəçi paytaxt klubunda ilk çempionat oyununu keçirib. Bu, "Qarabağ”la görüşə təsadüf edib. Qarşılaşma həm də müdafiəçinin ölkə çempionatlarında 100-cü matçı olub. 2009/10 mövsümündə "Neftçi”də oynadığı vaxt debüt edən Quliyev 100 oyunda 1 qol vurub.

"İnter” Tərlan Quliyevin Premyer Liqada 5-ci klubudur. O, "Neftçi”də 48, "Kəpəz”də 35, "Sumqayıt”da 10, "Qarabağ”da 6 oyuna çıxıb. Futbolçunun yeganə qolu da Gəncə klubunda qeydə alınıb.

2009/10	Neftçi (Bakı)	1	0
2010/11	Neftçi (Bakı)	5	0
2011/12	Sumqayıt	10	0
2011/12	Neftçi (Bakı)	5	0
2012/13	Neftçi (Bakı)	22	0
2013/14	Neftçi (Bakı)	15	0
2014/15	Qarabağ (Ağdam)	6	0
2015/16	Kəpəz (Gəncə)	35	1
2016/17	İnter (Bakı)	1	0
Cəmi		100	1