Aqil Məmmədovun ardından 21 yaşadək futbolçulardan ibarət milli komandamızın üzvü Rəşad Əzizli də karyerasını AZAL-da davam etdirəcək.
Newsport.az saytının məlumatına görə, son mövsümü "Rəvan”ın heyətində parlaq oyun nümayiş etdirən Əzizli hazırda "təyyarəçilər”in düşərgəsindədi. "Qaradağ Lökbatan”la yoxlama oyununda iştirak edən Əzizlinin yaxın günlərdə komanda ilə 1 illik müqavilə imzalayacağı gözlənilir.
Qeyd edək ki, Əzizli buna qədər "Səbail” komandasının düşərgəsində milli komandamızın qapıçı-məşqçisi Faiq Əzizovun rəhbərliyi altında məşq edirdi.