Zaur Svanadze açıqladı: “İnter”in kapitanı kim olacaq?

Kateqoriya: Ölkə futbolu | Tarix: 01.08.2016 01:30

Yeni mövsümdən Bakının "İnter” klubunu meydana kapitan sarğısında hansı futbolçunun çıxaracağı maraqla gözlənilir.

Newsport.az-ın məlumatına görə, ötən mövsüm komandada kapitan funksiyasını Nizami Hacıyev yerinə yetiribsə, bu mövsümdən etibarən eks kapitan Səlahət Ağayev də artıq komandanın sıralarına qatılıb.

Komandanın baş məşqçisi Zaur Svanadze növbəti mövsümdən komandanın əsas kapitanın adını açıqlayıb.Gürcüstanlı təcrübəli çalışdırıcı bildirib ki, Nizami Hacıyev növbəti mövsümdə də komandanın əsas kapitanı olacaq: "Komandanın kapitanları Nizami Hacıyev və Səlahət Ağayev olacaq. Əsas kapitan funksiyasını Nizami Hacıyev yerinə yetirəcək. Nizaminin yoxluğunda komanda Ağayevin rəhbərliyi altında meydana çıxacaq”.

Qeyd edək ki, ötən mövsüm "İnter”in ikinci kapitanı Kamran Ağayev olub ki, millimizin futbolçusu artıq komandanın heyətində yer almır.

Paylaş