"Neftçi”nin əvəzedici komandası təlim-məşq toplanışı çərçivəsində növbəti yoxlama oyununu keçirib.

Newsport.az-ın məlumatına görə, paytaxt klubunun əvəzediciləri "Sabunçu” ilə qarşılaşıblar.

"Dalğa Arena”nın ehtiyat meydançasında baş tutmuş görüşdə "ağ-qaralar" 6:0 hesabı ilə qalib gəlib. Qollardan ikisini Bahadur Həziyev vurub. Ruzigar İbrahimzadə, Vüsal Hüseynov, Orxan Sabirbəyli və Əli Şirinov isə hərəyə bir dəfə fərqləniblər.