"Kəpəz"i "Admira" ilə oyunda dəstəkləmək üçün Gəncədən Bakıya 50-dən artıq azarkeş gəlib. Öz pullarına. Qərbli fanatlar matçdan sonra "Dalğa Arena"nın önünə yığışaraq, rəhbərliklə görüş tələb edib.

Newsport.az-ın məlumatına görə, Gəncəyə qayıtmağa yolpullarının qalmadığını söyləyən tərəfdarların hayına Mikayıl Nərimanoğlu yetişib.

"Kəpəz"in Müşahidə Şurasının üzvü avtomobildən enərək, fanatları dinləyib. Və 100 manat verərək, problemi çözüb. Nərimanoğlunun jesti "Kəpəz"sevərləri riqqətə gətirib. "Ən böyük başqan bizim başqan!" şüarını səsləndiriblər.